Εωθεν αναιρομενοι εταττομεθα και γαρ οι σκοποι εσημαινον πλησιον ειναι τους πολεμιους. Το μεν ουν πληθος της στρατιας δεκα μυριαδες εγιγνοντο ανευ των σκευοφορων και των πεζων και των ξενων συμμαχων τουτων δε οκτακισμυριοι μεν ησαν οι Ιππογυποι, δισμυριοι δε οι επι των Λαχανοπτερων. Ορνεον δε και τουτο εστι μεγιστον, αντι των πτερων λαχανοις παντη λασιον, τα δε ωκυπτερα εχει θριδακινης φυλλοις μαλιστα ομοια. Επι δε τουτοις οι Κεγχροβολοι εταττοντο και οι Σκοροδομαχοι. Ηρχοντο δε αυτω και απο της αρκτου συμμαχοι, τρισμυριοι μεν Ψυλλοτοξοται, πεντακισμυριοι δε Ανεμοδρομον τουτων δε οι μεν Ψυλλοτοξοται επι ψυλλων μεγαλων ιππαζονται, οθεν και την προσηγοριαν εχουσιν μεγεθος δε των ψυλλων οσον δωδεκα ελεφαντες· οι δε Ανεμοδρομοι πεζοι μεν εισιν, φερονται δε εν τω αερι ανευ πτερων χιτωνας ποδηρεις μεν γαρ ενδυονται, κολπουντες δε αυτους τω ανεμω καθαπερ ιστια, φερονται ωσπερ τα σκαφη.


La traduzione è visibile ai soli utenti Registrati