Ορας τον Κνιδιον εκεινον αρχιτεκτονα, οιον εποιησεν; Οικοδομησας γαρ τον επι τη Φαρω πυργον, το μεγιστον και καλλιστον εργων απαντων, ως πυρσευοιτο απ' αυτου τοις ναυτιλλομενοις επι πολυ της θαλαττης και μη καταφεροιντο εις την Παραιτονιαν, παγχαλεπον, ως λεγεται, ουσαν και αφυκτον, ει τις εμπεσοι εις τα ερματα· οικοδομησας ουν αυτο το εργον, ενδοθεν μεν κατα των λιθων το αυτου ονομα εγραψεν, επιχρισας δε τιτανω και επνκαλυψας επεγραψε τουνομα του τοτε βασιλευοντος, ειδως, οπερ και εγενετο, πανυ ολιγου χρονου συνεκπεσεισθαι μεν τω χρισματι τα γραμματα, εκφανησεσθαι δε· «Σωστρατος Κνιδιος θεοις σωτηρσιν υπερ των πλωιζομενων». Ουτως ουδ' εκεινος εις τον τοτε καιρον ουδε τον αυτου βιον τον ολιγον εωρα, αλλ' εις τον νυν και τον αει, αχρις αν ο πυργος διαμενη.


La traduzione è visibile ai soli utenti Registrati