Καν τρις χιλια ετη βιωσεσθαι μελλης, και τοσαυτακις μυρια, ομως μεμνησο οτι ουδεις αλλον αποβαλλει βιον η τουτον ον ζη, ουδε αλλον ζη η ον αποβαλλει. Εις ταυτον ουν καθισταται το μηκιστον τω βραχυτατω. Το γαρ παρον πασιν ισον και το απολλυμενον ουν ισον και το αποβαλλομενον ουτως ακαριαιον αναφαινεται. Ουτε γαρ το παρωχηκος ουτε το μελλον αποβαλοι αν τις· ο γαρ ουκ εχει, πως αν τις τουτο αυτου αφελοιτο; Τουτων ουν των δυο αει μεμνησθαι· ενος μεν, οτι παντα εξ αιδιου ομοειδη και ανακυκλουμενα και ουδεν διαφερει, ποτερον εν εκατον ετεσιν η εν διακοσιοις η εν τω απειρω χρονω τα αυτα τις οψεται· ετερου δε, οτι και ο πολυχρονιωτατος και ο ταχιστα τεθνηξομενος το ισον αποβαλλει. Το γαρ παρον εστι μονον ου στερισκεσθαι μελλει, ειπερ γε εχει και τουτο μονον και ο μη εχει τις ουκ αποβαλλει.


La traduzione è visibile ai soli utenti Registrati