Διασκοπων ουν τουτον - ονοματι γαρ ουδεν δεομαι λεγειν, ην δε τις των πολιτικων προς ον εγω σκοπων τοιουτον τι επαθον, ω ανδρες Αθηναιοι, και διαλεγομενος αυτω - εδοξε μοι ουτος ο ανηρ δοκειν μεν ειναι σοφος αλλοις τε πολλοις ανθρωποις και μαλιστα εαυτω, ειναι δ' ου: καπειτα επειρωμην αυτω δεικνυναι οτι οιοιτο μεν ειναι σοφος, ειη δ' ου. Εντευθεν ουν τουτω τε απηχθομην και πολλοις των παροντων: προς εμαυτον δ' ουν απιων ελογιζομην οτι τουτου μεν του ανθρωπου εγω σοφωτερος ειμιν κινδυνευει μεν γαρ ημων ουδετερος ουδεν καλον καγαθον ειδεναι, αλλ' ουτος μεν οιεται τι ειδεναι ουκ ειδως, εγω δε, ωσπερ ουν ουκ οιδα, ουδε οιομαι: εοικα γουν τουτου γε σμικρω τινι αυτω τουτω σοφωτερος ειναι, οτι α μη οιδα ουδε οιομαι ειδεναι. Εντευθεν επ' αλλον ηα των εκεινου δοκουντων σοφωτερων ειναι και μοι ταυτα ταυτα εδοξε, και ενταυθα κακεινω και αλλοις πολλοις απηχθομην.


La traduzione è visibile ai soli utenti Registrati