Και μοι δευρο, ω Μελητε, ειπε: αλλο τι η περι πλειστου ποιη οπως ως βελτιστοι οι νεωτεροι εσονται; Εγωγε. Ιθι δη νυν ειπε τουτοις, τις αυτους βελτιους ποιει; Δηλον γαρ οτι οισθα, μελον γε σοι. Τον μεν γαρ διαφθειροντα εξευρων, ως φης, εμε, εισαγεις τουτοισι και κατηγορεις: τον δε δη βελτιους ποιουντα ιθι ειπε και μηνυσον αυτοις τις εστιν. - Ορας, ω Μελητε, οτι σιγας και ουκ εχεις ειπειν; Καιτοι ουκ αισχρον σοι δοκει ειναι και ικανον τεκμηριον ου δη εγω λεγω, οτι σοι ουδεν μεμεληκεν; Αλλ' ειπε, ωγαθε, τις αυτους αμεινους ποιει; Οι νομοι. Αλλ' ουτο τουτο ερωτω, ω βελτιστε, αλλα τις ανθρωπος, οστις πρωτον και αυτο τουτο οιδε, τους νομους; Ουτοι, ω Σωκρατες, οι δικασται. Πως λεγεις, ω Μελητε; Οιδε τους νεους παιδευειν οιοι τε εισι και βελτιους ποιουσιν; Μαλιστα. Ποτερον απαντες, η οι μεν αυτων, οι δ' ου; Απαντες. Ευ γε νη την Ηραν λεγεις και πολλην αφθονιαν των ωφελουντων. Τι δε δη; Οι δε ακροαται βελτιους ποιουσιν η ου; Και ουτοι. Τι δε, οι βουλευται; Και οι βουλευται. Αλλ' αρα, ω Μελητε, μη οι εν τη εκκλησια, οι εκκλησιασται, διαφθειρουσι τους νεωτερους; Η κακεινοι βελτιους ποιουσιν απαντες; Κακεινοι. Παντες αρα, ως εοικεν, Αθηναιοι καλους καγαθους ποιουσι πλην εμου, εγω δε μονος διαφθειρω. Ουτω λεγεις; Πανυ σφοδρα ταυτα λεγω.


La traduzione è visibile ai soli utenti Registrati