Τοιουτος ουν αλλος ου ραδιως υμιν γενησεται, ω ανδρες, αλλ' εαν εμοι πειθησθε, φεισεσθε μου: υμεις δ' ισως ταχ' αν αχθομενοι, ωσπερ οι νυσταζοντες εγειρομενοι, κρουσαντες αν με, πειθομενοι Ανυτω, ραδιως αν αποκτειναιτε, ειτα τον λοιπον βιον καθευδοντες διατελοιτε αν, ει μη τινα αλλον ο θεος υμιν επιπεμψειεν κηδομενος υμων. Οτι δ' εγω τυγχανω ων τοιουτος οιος υπο του θεου τη πολει δεδοσθαι, ενθενδε αν κατανοησαιτε: ου γαρ ανθρωπινω εοικε το εμε των μεν εμαυτου παντων ημεληκεναι και ανεχεσθαι των οικειων αμελουμενων τοσαυτα ηδη ετη, το δε υμετερον πραττειν αει, ιδια εκαστω προσιοντα ωσπερ πατερα η αδελφον πρεσβυτερον πειθοντα επιμελεισθαι αρετης. Και ει μεν τι απο τουτων απελαυον και μισθον λαμβανων ταυτα παρεκελευομην, ειχον αν τινα λογον: νυν δε ορατε δη και αυτοι οτι οι κατηγοροι ταλλα παντα αναισχυντως ουτω κατηγορουντες τουτο γε ουχ οιοι τε εγενοντο απαναισχυντησαι παρασχομενοι μαρτυρα, ως εγω ποτε τινα η επραξαμην μισθον η ητησα. Ικανον γαρ, οιμαι, εγω παρεχομαι τον μαρτυρα ως αληθη λεγω, την πενιαν.


La traduzione è visibile ai soli utenti Registrati