Πυρρος ο βασιλευς οδευων ενετυχε κυνι φρουρουντι σωμα πεφονευμενου, και πυθομενος τριτην ημεραν εκεινην ασιτον παραμενειν και μη απολιπειν, τον μεν νεκρον εκελευσε θαψαι, τον δε κυνα μεθ' εαυτου εκομισεν. Ολιγαις δε υστερον ημεραις εξετασις ην των στρατιωτων και παροδος, καθημενου του βασιλεως, και παρην ο κυων ησυχιαν εχων. Επει δε τους φονεας του δεσποτου παριοντας ειδεν, εξεδραμε μετα φωνης και θυμου επ' αυτους, και καθυλακτει πολλακις μεταστρεφομενος προς τον Πυρρον, ωστε μη μονον εκεινω δι υποψιας, αλλα και πασι τοις παρουσι τους ανθρωπους γενεσθαι. Διο συλληφθεντες ευθυς και ανακρινομενοι, μικρων τινων τεκμηριων εξωθεν προσγενομενων, ομολογησαντες τον φονον εκολασθησαν.


La traduzione è visibile ai soli utenti Registrati