Εν μεν Βρεττανια των πολεμιων εις τοπον ελωδη και μεστον υδατος εμπεσουσι τοις πρωτοις ταξιαρχοις επιθεμενων, στρατιωτης, Καισαρος αυτου την μαχην εφορωντος, ωσαμενος εις μεσους και πολλα και περιοπτα τολμης αποδειξαμενος εργα, τους μεν ταξιαρχους εσωσε, των βαρβαρων φυγοντων, αυτος δε χαλεπως επι πασι διαβαινων ερριψεν εαυτον εις ρευματα τελματωδη, και μολις ανευ του θυρεου τα μεν νηχομενος, τα δε βαδιζων διεπερασε. Θαυμαζοντων δε των περι τον Καισαρα και μετα χαρας και κραυγης απαντωντων, αυτος ευ μαλα κατηφης και δεδακρυμενος προσεπεσε τω Καισαρι, συγγνωμην αιτουμενος επι τω προεσθαι τον θυρεον. Εν δε Λιβυη ναυν ελοντες οι περι Σκιπιωνα Καισαρος, εν η Γρανιος Πετρων επεπλει ταμιας αποδεδειγμενος, τους μεν αλλους εποιουντο λειαν, τω δε ταμια διδοναι την σωτηριαν εφασαν. Ο δ', ειπων οτι τοις Καισαρος στρατιωταις ου λαμβανειν, αλλα διδοναι σωτηριαν εθος εστιν, εαυτον τω ξιφει παταξας ανειλεν.


La traduzione è visibile ai soli utenti Registrati