Επι μεντοι των ετι αρχαιοτερων ουδ' ειδεναι φασι τους Ελληνας την θεατρικην μουσαν, ολην δ' αυτοις την επιστημην προς τε θεων τιμην και την των νεων παιδευσιν παραλαμβανεσθαι, μηδε το παραπαν ηδη θεατρου παρα τοις ανδρασιν εκεινοις κατεσκευασμενου, αλλ' ετι της μουσικης εν τοις ιεροις αναστρεφομενης, εν οις τιμην τε του θειου δια ταυτης εποιουντο και των αγαθων ανδρων επαινους· εικος δ' ειναι οτι το θεατρον υστερον και το θεωρειν πολυ προτερον απο του θεου την προσηγοριαν ελαβεν. Επι μεντοι των καθ' ημας χρονων τοσουτον επιδεδωκε το της διαφθορας ειδος, ωστε του μεν παιδευτικου τροπου μηδεμιαν μνειαν μηδ' αντιληψιν ειναι, παντας δε τους μουσικης απτομενους προς την θεατρικην προσκεχωρηκεναι μουσαν.


La traduzione è visibile ai soli utenti Registrati