Οι δε Γαλαται του Κελτικου γενους οντες υπο πληθους λεγονται την αυτων απολιποντες, ουκ ουσαν αυταρκη τρεφειν παντας, επι γης ζητησιν ετερας ορμησαι· μυριαδες δε πολλαι γενομενοι νεων ανδρων και μαχιμων, ετι δε πλειους παιδων και γυναικων αγοντες, οι μεν επι τον βορειον Ωκεανον υπερβαλοντες τα Ριπαια ορη ρυηναι και τα εσχατα της Ευρωπης κατασχειν, οι δε μεταξυ Πυρηνης δρους και των Αλπεων ιδρυθεντες εγγυς Σενωνων και Βιτουριγων κατοικειν χρονον πολυν οψε δ' οινου γευσαμενοι τοτε πρωτον εξ Ιταλιας κομισθεντος, ουτως αρα θαυμασαι το πομα και προς την καινοτητα της ηδονης εκφρονες γενεσθαι παντες, ωστ' αραμενοι τα οπλα και γενεας αναλαβοντες επι τας Αλπεις φερεσθαι και ζητειν εκεινην την γην η τοιουτον καρπον αναδιδωσι, την δ' αλλην ακαρπον ηγεισθαι και ανημερον.


La traduzione è visibile ai soli utenti Registrati