Πολεων μεν ουν την Αιγινητων αριστευσαι φησιν Ηροδοτος, Θεμιστοκλει δε καιπερ ακοντες υπο φθονου το πρωτειον απεδοσαν απαντες. Επει γαρ αναχωρησαντες εις τον Ισθμον απο του βωμου την ψηφον εφερον οι στρατηγοι, πρωτον μεν εκαστος αυτον απεφαινεν αρετη, δευτερον δε μεθ' αυτον Θεμιστοκλεα. Λακεδαιμονιοι δ' εις την Σπαρτην αυτον καταγαγοντες, Ευρυβιαδη μεν ανδρειας, εκεινω δε σοφιας αριστειον εδοσαν θαλλου στεφανον, και των κατα την πολιν αρματων το πρωτευον εδωρησαντο και τριακοσιους των νεων πομπους αχρι των ορων συνεξεπεμψαν. Λεγεται δ' 'Ολυμπιων των εξης αγομενων, και παρελθοντος εις το σταδιον του Θεμιστοκλεους, αμελησαντας των αγωνιστων τους παροντας ολην την ημεραν εκεινον θεασθαι και τοις ξενοις επιδεικνυειν αμα θαυμαζοντας και κροτουντας, ωστε και αυτον ησθεντα προς τους φιλους ομολογησαι τον καρπον απεχειν των υπερ της Ελλαδος αυτω πονηθεντων.


La traduzione è visibile ai soli utenti Registrati