Κτισθεισης δε της πολεως, πρωτον μεν οσον ην εν ηλικια πληθος εις συνταγματα στρατιωτικα διειλεν. Εκαστον δε συνταγμα πεζων τρισχιλιων ην και τριακοσιων ιππεων. Εκληθη δε λεγεων τω λογαδας ειναι τους μαχιμους εκ παντων. Επειτα τοις μεν αλλοις εχρητο δημω, και ποπουλους ωνομασθη το πληθος· εκατον δε τους αριστους απεδειξε βουλευτας, και αυτους μεν πατρικιους, το δε συστημα σενατον προσηγορευσεν. Ο μεν ουν σενατος ατρεκως γερουσιαν σημαινει· πατρικιους δε τους βουλευτας κληθηναι λεγουσιν οι μεν οτι παιδων γνησιων πατερες ησαν, οι δε μαλλον ως αυτους εχοντας εαυτων αποδειξαι πατερας, οπερ ου πολλοις υπηρξε των πρωτων εις την πολιν συρρεοντων οι δ' απο της πατρωνειας.


La traduzione è visibile ai soli utenti Registrati