Οτι μεν γαρ ην Μιλησια γενος, Αξιοχου θυγατηρ, ομολογειται· φασι δ' αυτην Θαργηλιαν τινα των παλαιων Ιαδων ζηλωσασαν επιθεσθαι τοις δυνατωτατοις ανδρασι. Και γαρ η Θαργηλια, το τ' ειδος ευπρεπης γενομενη και χαριν εχουσα μετα δεινοτητος, πλειστοις μεν Ελληνων συνωκησεν ανδρασι, παντας δε προσεποιησε βασιλει τους πλησιασαντας αυτη, και ταις πολεσι μηδισμου δι εκεινων υπεσπειρεν αρχας, δυνατωτατων οντων και μεγιστων. Την δ' Ασπασιαν οι μεν ως σοφην τινα και πολιτικην υπο του Περικλεους σπουδασθηναι λεγουσι· και γαρ Σωκρατης εστιν οτε μετα των γνωριμων εφοιτα, και τας γυναικας ακροασομενας οι συνηθεις ηγον ως αυτην, καιπερ ου κοσμιου προεστωσαν εργασιας ουδε σεμνης, αλλα παιδισκας εταιρουσας τρεφουσαν.


La traduzione è visibile ai soli utenti Registrati