Ως δε καθισας διεκρουετο τας δεησεις, και προσκειμενων βιαιοτερον, ηγαναντει προς εκαστον, ο μεν Τιλλιος την τηβεννον αυτου ταις χερσιν αμφοτεραις συλλαβων απο του τραχηλου κατηγεν: οπερ ην συνθημα της επιχειρησεως. Πρωτος δε Κασκας ξιφει παιει παρα τον αυχενα πληγην ου θανατηφορον ουδε βαθειαν, αλλ' ως εικος εν αρχη τολμηματος μεγαλου ταραχθεις, ωστε και τον Καισαρα μεταστραφεντα του εγχειριδιου λαβεσθαι και κατασχειν. Αμα δε πως εξεφωνησαν, ο μεν πληγεις Ρωμαιστι: "μιαρωτατε Κασκα, τι ποιεις;", ο δε πληξας Ελληνιστι προς τον αδελφον: "αδελφε, βοηθει". Τοιαυτης δε της αρχης γενομενης, τους μεν ουδεν συνειδοτας εκπληξις ειχε και φρικη προς τα δρωιενα, μητε φευγειν μητ' αμυνειν, αλλα μηδε φωνην εκβαλλειν τολμωντας. Των δε ταρεσκευασμενων επι τον φονον εκαστου γυμνον αποδειξαντος το ξιφος, εν κυκλω τεριεχομενος, και προς ο τι τρεψειε την οψιν, πληγαις απαντων και σιδηρω φερομενω και κατα προσωπου και κατ' οφθαλμων, διελαυνομενος ωσπερ θηριον ενειλειτο ταις παντων χερσιν: απαντας γαρ εδει καταρξασθαι και γευσασθαι του φονου. Διο και Βρουτος αυτω πληγην ενεβαλε μιαν εις τον βουβωνα. Λεγεται δ' υπο τινων, ως αρα προς τους αλλους απομαχομενος, και διαφερων δευρο κακει το σωμα και κεκραγως, οτε Βρουτον ειδεν εσπασμενον το ξιφος, εφειλκυσατο κατα της κεφαλης το ιματιον, και παρηκεν εαυτον, ειτ' απο τυχης ειθ' υπο των κτεινοντων απωσθεις, προς την βασιν εφ' ης ο Πομπηιου βεβηκεν ανδριας. Και πολυ καθημαξεν αυτην ο φονος, ως δοκειν αυτον εφεσταναι τη τιμωρια του πολεμιου Πομπηιον, υπο ποδας κεκλιμενου και περισπαιροντος υπο πληθους τραυματων. Εικοσι γαρ και τρια λαβειν λεγεται, και πολλοι κατετρωθησαν υπì αλληλων, εις εν απερειδομενοι σωμα πληγας τοσαυτας.


La traduzione è visibile ai soli utenti Registrati