Προς ταυτα του Ηρακλεωνος σιωπη διανοουμενου τι προς αυτον ο Φιλιππος, "αλλα φαυλους μεν", εφη, "δαιμονας ουκ Εμπεδοκλης μονον, ω Ηρακλεων, απελιπεν, αλλα και Πλατων και Ξενοκρατης και Χρυσιππος: ετι δε Δημοκριτος, ευχομενος 'ευλογχων ειδωλων' τυγχανειν, δηλος ην ετερα δυστραπελα και μοχθηρας γιγνωσκων εχοντα προαιρεσεις τινας και ορμας. "Περι δε θανατου των τοιουτων ακηκοα λογον ανδρος ουκ αφρονος ουδ' αλαζονος. Αιμιλιανου γαρ του ρητορος, ου και υμων ενιοι διακηκοασιν, Επιθερσης ην πατηρ, εμος πολιτης και διδασκαλος γραμματικων. Ουτος εφη ποτε πλεων εις Ιταλιαν επιβηναι νεως εμπορικα χρηματα και συχνους επιβατας αγουσης: εσπερας δ' ηδη περι τας Εχιναδας νησους αποσβηναι το πνευμα, και την ναυν διαφερομενην πλησιον γενεσθαι Παξων: εγρηγορεναι δε τους πλειστους, πολλους δε και πινειν ετι δεδειπνηκοτας: εξαιφνης δε φωνην απο της νησου των Παξων ακουσθηναι, Θαμουν τινος βοη καλουντος, ωστε θαυμαζειν. Ο δε Θαμους Αιγυπτιος ην κυβερνητης ουδε των εμπλεοντων γνωριμος πολλοις απ' ονοματος. Δις μεν ουν κληθεντα σιωπησαι, το δε τριτον υπακουσαι τω καλουντι: κακεινον επιτειναντα την φωνην ειπειν, οποταν γενη κατα το Παλωδες, απαγγειλον οτι Παν ο μεγας τεθνηκε. Τους ακουσαντας ο Επιθερσης εφη παντας εκπλαγηναι: και διδοντας εαυτοις λογον ειτε ποιησαι βελτιον ειη το προστεταγμενον ειτε μη πολυπραγμονειν αλλ' εαν, ουτως γνωναι τον Θαμουν, ει μεν ειη πνευμα, παραπλειν ησυχιαν εχοντα, νηνεμιας δε και γαληνης περι τον τοπον γενομενης ανειπειν ο ηκουσεν. Ως ουν εγενετο κατα το Παλωδες, ουτε πνευματος οντος ουτε κλυδωνος, εκ πρυμνης βλεποντα τον Θαμουν προς την γην ειπειν, ωσπερ ηκουσεν, οτι Παν ο μεγας τεθνηκεν, ου φθηναι δε παυσαμενον αυτον και γενεσθαι μεγαν ουχ ενος αλλα πολλων στεναγμων αμα θαυμασμω μεμειγμενον. Οια δε πολλων ανθρωπων παροντων, ταχυ τον λογον εν Ρωμη σκεδασθηναι, και τον Θαμουν γενεσθαι μεταπεμπτον υπο Τιβεριου Καισαρος. Ουτω δε πιστευσαι τω λογω τον Τιβεριον, ωστε διαπυνθανεσθαι και ζητειν περι του Πανος: εικαζειν δε τους περι αυτον φιλολογους συχνους οντας τον εξ Ερμου και Πηνελοπης γεγενημενον". Ο μεν ουν Φιλιππος ειχε και των παροντων ενιους μαρτυρας, Αιμιλιανου του γεροντος ακηκοοτας.


La traduzione è visibile ai soli utenti Registrati