Πελοπιδα τω ιπποκλου γενος μεν ην ευδοκιμον εν Θηβαις ωσπερ Επαμεινωνδα, τραφεις δ' εν ουσια μεγαλη, και παραλαβων ετι νεος λαμπρον οικον, ωρμησε των δεομενων και των φιλων τοις αξιοις βοηθειν, ινα κυριος αληθως φαινοιτο χρηματων γεγονως, αλλα μη δουλος. Οι μεν αλλοι τω Πελοπιδα χαριν εχοντες, εχρωντο τη προς αυτους ελευθεριοτητι και φιλανθρωπια, μονον δε των φιλων τον Επαμεινωνδαν ουκ επειθε του πλουτου μεταλαμβανειν: αυτος μεντοι μετειχε της εκεινου πενιας, εσθητος αφελεια και τραπεζης λιτοτητι καλλωπιζομενος. Επαμεινωνδας μεν ουν συνηθη και πατρωαν ουσαν αυτω την πενιαν ετι μαλλον ευζωνον και κουφον εποιησε φιλοσοφων και μονοτροπον βιον απ' αρχης ελομενος: Πελοπιδα δ' ην μεν γαμος λαμπρος, εγενοντο δε και παιδες, αλλ' ουδεν ηττον αμελων του χρηματιζεσθαι και σχολαζων τη πολει τον απαντα χρονον, ηλαττωσε την ουσιαν.


La traduzione è visibile ai soli utenti Registrati