Ην Κλωδιος ανηρ ευγενης, τη μεν ηλικια νεος, τω δε φρονηματι θρασυς και αυθαδης. Ουτος ερων Πομπηιας της Καισαρος γυναικος, εις την οικιαν αυτου παρεισηλθε κρυφα, λαβων εσθητα και σκευην ψαλτριας: εθυον γαρ εν τη Καισαρος οικια την απορρητον εκεινην και αθεατον ανδρασι θυσιαν αι γυναικες, και παρην ανηρ ουδεις: αλλα μειρακιον ων ετι και μηπω γενειων ο Κλωδιος ηλπιζε λησεσθαι διαδυς προς την Πομπηιαν δια των γυναικων. Ως δ' εισηλθε νυκτος εις οικιαν μεγαλην, ηπορει των διοδων, και πλανωμενον αυτον ιδουσα θεραπαινις Αυρηλιας της Καισαρος μητρος, ητησεν ονομα. Φθεγξασθαι δ' αναγκασθεντος αυτου και φησαντος ακολουθον Πομπηιας ζητειν Αβραν τουνομα, συνεισα την φωνην ου γυναικειαν ουσαν ανεκραγε και συνεκαλει τας γυναικας. Αι δ' αποκλεισασαι τας θυρας και παντα διερευνωμεναι, λαμβανουσι τον Κλωδιον εις οικημα παιδισκης η συνεισηλθε καταπεφευγοτα.


La traduzione è visibile ai soli utenti Registrati