Σερτωριος εν Ιβηρια νεβρον ελαφου λευκης παρα κυνηγων δωρον λαβων, εθρεψε και τιθασον εποιησεν, ωστε αυτω προβαινοντι μεν ειπετο, επι το βημα δε αναβαινοντι συνεβαινεν, και δικαζοντι αυτω το στομα προσεφερεν. Επεισε δη τους βαρβαρους ως αρα το ζωον ιερον Αρτεμιδος ειη, και η θεος δι αυτου προλεγοι αυτω παντα τα μελλοντα και συμμαχος εν τοις πολεμοις γιγνοιτο. Οσα γε μην υπο των κατασκοπων απορρητα ηγγελλετο, τους κατασκοπους αποκρυπτων τω οχλω προελεγεν ως δια νεβρου μαθων παρα της θεου, οια πολεμιων εφοδους, ενεδρας, αιφνιδιους καταδρομας· οσαι δε νικαι πολεμων ηλπιζοντο, και ταυτα δια της νεβρου μαθειν παρα της θεου φασκων, εξεπλησσε τους βαρβαρους και προσεκυνειτο, και παντες αυτω προσεφευγον ως δαιμονιωτεραν ισχυν εχοντι.


La traduzione è visibile ai soli utenti Registrati