Των Ρωμαιων εις Βιθυνιαν τρεις ηρηκοτων πρεσβεις, ων ο μεν ποδαγρικος ην, ο δε την κεφαλην εξ ανατρησεως και περικοπης κοιλην ειχεν, ο δε τριτος εδοκει μωρος ειναι, καταγελων ο Κατων ειπε πρεσβειαν υπο Ρωμαιων αποστελλεσθαι μητε ποδας μητε κεφαλην μητε καρδιαν εχουσαν. Τους δε φρονιμους ελεγε μαλλον υπο των αφρονων η τους αφρονας υπο των φρονιμων ωφελεισθαν τουτους μεν γαρ φυλαττεσθαι τας εκεινων αμαρτιας, εκεινους δε τας τουτων μη μιμεισθαι κατορθωσεις. Προς δε πρεσβυτην πονηρευομενον· «Ανθρωπε,» ειπε, «πολλα εχοντι τω γηρα τα αισχρα μη προσφερε την απο της κακιας αισχυνην». Βλασφημουμενος δ' υπ' ανθρωπου βεβιωκοτος ασελγως και κακως· «Ανισος», ειπεν, «η προς σε μοι μαχη εστι και γαρ συ ακουεις τα αισχρα ραδιως και λεγεις ευχερως, εμοι δε και λεγειν αηδες και ακουειν αηθες».


La traduzione è visibile ai soli utenti Registrati