Ευνοια δε και προθυμια στρατιωτων εχρησατο τοσαυτη περι αυτον, ωστε τους ετερων μηδεν εν ταις αλλαις στρατειαις διαφεροντας, αμαχους και ανυποστατους φερεσθαι προς παν δεινον υπερ της Καισαρος δοξης. Ακιλιος εν τη περι Μασσαλιαν ναυμαχια νεως πολεμιας επιβεβηκως, την μεν δεςιαν απεκοπη χειρα μαχαιρα, τη δ' αριστερη τον θυρεον ουκ ερριψεν, αλλα τυπτων εις τα προσωπα τους πολεμιους απεστρεψε παντας, και του σκαφους επεκρατησε. Κασσιος Σκευας εν τη περι Δυρραχιον μαχη τον οφθαλμον εκκοπεις τοξευματι, τον δ' ωμον υσσω και τον μηρον ετερω διατρωθεις, τω δε θυρεω βελων εκατον και τριακοντα πληγας αναδεξαμενος, εκαλει τους πολεμιους ως εγχειρισων εαυτον. Δυοιν δε πλησιασαντων, του μεν απεκοψε τον ωμον τη μαχαιρα, τον δε κατα του προσωπου παταξας απεστρεψεν, αυτος δε διεσωθη, των οικειων περισχοντων.


La traduzione è visibile ai soli utenti Registrati