Του Μαιμακτηριωνος μηνος τη εκτη και δεκατη ημερα πεμπουσι πομπην, ης προηγειται μεν σαλπιγκτης εγκελευομενος τον πολεμικον παιανα αδειν επονται δε αμαξαι εστεφανωμεναι, μυρρινης μεσται και μελας ταυρος, και χοας οινου και γαλακτος εν αμφορευσιν ελαιου τε και μυρου κρωσσους νεανισκοι κομιζοντες ελευθεροι· δουλω γαρ ουδενος θεμις εστι προσαψασθαι, δια το τους ανδρας αποθανειν υπερ της ελευθεριας. Προς δε τουτοις των Πλαταιεων ο αρχων, ω τον αλλον χρονον ουτε σιδηρου θιγειν εξεστι ουθ' ετεραν εσθητα πλην λευκης αναλαβειν, τοτε χιτωνα φοινικουν ενδεδυκως, αραμενος υδριαν και ξιφος φερων, επι τους ταφους προαγει δια μεσης της πολεως. Ειτα λαμβανων υδωρ απο της κρηνης αυτος απολουει τε τας στηλας και μυρω χριει· και τον ταυρον σφαξας, και κατευξαμενος Διι, παρακαλει τους αγαθους ανδρας τους υπερ της Ελλαδος τετελευτηκοτας επι το δειπνον. Επειτα κρατηρα πληρωσας οινου και χεαμενος, επιλεγει· «Προπινω τοις ανδρασι τοις των Ελληνων υπερ της ελευθεριας αποθανουσιν». Ταυτα μεν ουν ετι και νυν διαφυλαττουσιν οι Πλαταιεις.


La traduzione è visibile ai soli utenti Registrati