Ετος μεν ουν ενειστηκει μετα μεν την εν Αιγος ποταμοις ναυμαχιαν εννεακαιδεκατον, προ δε της εν Λευκτροις μαχης εκκαιδεκατον, εν ω Λακεδαιμονιοι μεν την επ' Ανταλκιδου λεγομενην ειρηνην προς βασιλεα των Περσων εκυρωσαν και πρεσβυτερος Διονυσιος τη περι τον Ελλεπορον ποταμον μαχη νενικηκως τους κατα την Ιταλιαν Ελληνας επολιορκει Ρηγιον, Γαλαται δε κατα κρατος ελοντες αυτην την Ρωμην κατειχον πλην του Καπετωλιου. Προς ους ποιησαμενοι Ρωμαιοι σπονδας και διαλυσεις ευδοκουμενας Γαλαταις και γενομενοι παλιν ανελπιστως της πατριδος εγκρατεις και λαβοντες οιον αρχην της συναυξησεως επολεμουν εν τοις εξης χρονοις προς τους αστυγειτονας. Γενομενοι δ' εγκρατεις απαντων των Λατινων δια τε την ανδρειαν και την εν ταις μαχαις επιτυχιαν μετα ταυτ' επολεμουν Τυρρηνοις επειτα Κελτοις, εξης δε Σαυνιταις τοις προς τε τας ανατολας και τας αρκτους συντερμονουσι τη των Λατινων χωρα.


La traduzione è visibile ai soli utenti Registrati