Αννιβας δε συναθροισας ομου πασαν την δυναμιν κατεβαινε και τριταιος απο των προειρημενων κρημνων διανυσας ηψατο των επιπεδων, πολλους μεν απολωλεκως των στρατιωτων υπο τε των πολεμιων και των ποταμων εν τη καθολου πορεια, πολλους δ' υπο των κρημνων και των δυσχωριων κατα τας Αλπεις, ου μονον ανδρας, ετι δε πλειους ιππους και υποζυγια. Τελος δε την μεν πασαν πορειαν εκ Καινης πολεως εν πεντε μησι ποιησαμενος την δε των Αλπεων υπερβολην ημεραις δεκαπεντε κατηρε τολμηρως εις τα περι τον Παδον πεδια και το των Ινσομβρων εθνος, εχων το διασωζομενον μερος της μεν των Λιβυων δυναμεως πεζους μυριους και δισχιλιους, της δε των Ιβηρων εις οκτακισχιλιους, ιππεις δε τους παντας ου πλειους εξακισχιλιων, ως αυτος εν τη στηλη τη περι του πληθους εχουση την επιγραφην επι Λακινιω διασαφει.


La traduzione è visibile ai soli utenti Registrati