Εαν δε τις βια κατενεχθη, μη εξεστω αυτω μηδεν αγοραζειν μηδε λαμβανειν πλην οσα προς πλοιου επισκευην η προς ιερα ( εν πεντε δ' ημεραις αποτρεχετω ), τοις δε κατ' εμποριαν παραγινομενοις μηδεν εστω τελος πλην επι κηρυκι η γραμματει. Οσα δ' αν τουτων παροντων πραθη, δημοσια πιστει οφειλεσθω τω αποδομενω, οσα αν η εν Λιβυη η εν Σαρδονι πραθη. Εαν Ρωμαιων τις εις Σικελιαν παραγινηται, ης Καρχηδονιοι επαρχουσιν, ισα εστω τα Ρωμαιων παντα. Καρχηδονιοι δε μη αδικειτωσαν δημον Αρδεατων, Αντιατων, Λαρεντινων, Κιρκαιιτων, Ταρρακινιτων, μηδ' αλλον μηδενα Λατινων, οσοι αν υπηκοοι: εαν δε τινες μη ωσιν υπηκοοι, των πολεων απεχεσθωσαν: αν δε λαβωσι, Ρωμαιοις αποδιδοτωσαν ακεραιον.


La traduzione è visibile ai soli utenti Registrati