Τα δε παρεληλυθοτα των εργων, εξ αυτων των πραγματων λαμβανοντα την δοκιμασιαν, αληθινως εμφαινει τας εκαστων αιρεσεις και διαληψεις και δηλοι παρ' οις μεν χαριν, ευεργεσιαν, βοηθειαν ημιν υπαρχουσαν, παρ' οις δε ταναντια τουτων. Εξ ων και τον ελεησοντα και τον συνοργιουμενον, ετι δε τον δικαιωσοντα, πολλακις και επι πολλων ευρειν εστιν. Απερ εχει μεγιστας επικουριας και κοινη και κατ' ιδιαν προς τον ανθρωπινον βιον. Διοπερ ουχ ουτως εστι φροντιστεον της αυτων των πραξεων εξηγησεως ουτε τοις γραφουσιν ουτε τοις αναγινωσκουσιν τας ιστοριας, ως των προτερον και των αμα και των επιγινομενων τοις εργοις. Ιστοριας γαρ εαν αφελη τις το δια τι και πως και τινος χαριν επραχθη το πραχθεν και ποτερον ευλογον εσχε το τελος, το καταλειπομενον αυτης αγωνισμα μεν μαθημα δ' ου γινεται, και παραυτικα μεν τερπει, προς δε το μελλον ουδεν ωφελει το παραπαν.


La traduzione è visibile ai soli utenti Registrati