Ουκετι τρια η τετταρα σταδια διειχετην τω ψαλαγγε απ' αλληλων, ηνικα επαιανιζον τε οι Ελληνες και ηρχοντο αντιοι ιεναι τοις πολεμιοις. Ως δε πορευομενων εξεκυμαινε τι της φαλαγγας, το υπολειπομενον ηρξατο δρομω θειν· και αμα εφθεγξαντο παντες οιονπερ τω Ενυαλιω ελελιζουσι, και παντες δε εθεον. Λεγουσι δε ως τινες και ταις ασπισι προς τα δορατα εδουπησαν φοβον ποιουντες τοις ιπποις. Πριν δε τοξευμα εξικνεισθαι, εγκλινουσιν οι βαρβαροι και φευγουσι. Και ενταυθα δη εδιωκον μεν κατα κρατος οι Ελληνες, εβοων δε αλληλοις μη θειν δρομω, αλλ' εν ταξει επεσθαι. Τα δ' αρματα εφεροντο τα μεν δι αυτων των πολεμιων, τα δε και δια των Ελληνων κενα ηνιοχων. Οι δ' επει προιδοιεν, διισταντο εστι δ' οστις και κατεληφθη ωσπερ εν ιπποδρομω εκπλαγεις· και ουδεν μεντοι ουδε τουτον παθειν εφασαν, ουδ' αλλος δε των Ελληνων εν ταυτη τη μαχη επαθεν ουδεις ουδεν, πλην επι τω ευωνυμω τοξευθηναι τις ελεγετο.


La traduzione è visibile ai soli utenti Registrati