Ενθα δη Κυρος δεισας μη οπισθεν γενομενος χατσκοψη το Ελληνικον ελαυνει αντιος· και εμβαλων συν τοις εξακοσιοις νικα τους προ βασιλεως τεταγμενους και εις φυγην ετρεψε τους εξακισχιλιους, και αποκτειναι λεγεται αυτος τη εαυτου χειρι Αρταγερσην τον αρχοντα αυτων. Ως δ' η τροπη εγενετο, διασπειρονται και οι Κυρου εξακοσιοι εις το διωκειν ορμησαντες, πλην πανυ ολιγοι αμφ' αυτον κατελειφθησαν, σχεδον οι ομοτραπεζοι καλουμενοι. Συν τουτοις δε ων καθορα βασιλεα και το αμφ' εκεινον στιφος· και ευθυς ουκ ηνεσχετο, αλλ' ειπων· «Τον ανδρα ορω» ιετο επ' αυτον και παιει κατα το στερνον και τιτρωσκει δια του θωρακος, ως φησι Κτησιας ο ιατρος, ος και ιασασθαι αυτος το τραυμα φησι. Παιοντα δ' αυτον ακοντιζει τις παλτω υπο τον οφθαλμον βιαιως· και ενταυθα μαχομενοι και βασιλευς και Κυρος και οι αμφ' αυτους υπερ εκατερου, οποσοι μεν των αμφι βασιλεα απεθνησκον Κτησιας λεγει· παρ' εκεινω γαρ ην Κυρος δε αυτος τε απεθανε και οκτω οι αριστοι των περι αυτον εκειντο επ' αυτω. Αρταπατης δ' ο πιστοτατος αυτω των σκηπτουχων θεραπων λεγεται, επειδη πεπτωκοτα ειδε Κυρον, καταπηδησας απο του ιππου περιπεσειν αυτω. Και οι μεν φασι βασιλεα κελευσαι τινα επισφαξαι αυτον Κυρω, οι δ' εαυτον επισφαξασθαι σπασαμενον τον ακινακην ειχε γαρ χρυσουν και στρεπτον δ' εφορει και ψελια και ταλλα ωσπερ οι αριστοι Περσων ετετιμητο γαρ υπο Κυρου δι ευνοιαν τε και πιστοτητα. Κυρος μεν ουν ουτως ετελευτησεν, ανηρ ων Περσων των μετα Κυρον τον αρχαιον γενομενων βασιλικωτατος τε και αρχειν εξιωτατος, ως παρα παντων ομολογειται των Κυρου δοκουντων εν πειρα γενεσθαι.


La traduzione è visibile ai soli utenti Registrati