Οι δε τριακοντα ηρεθησαν μεν επει ταχιστα τα μακρα τειχη και τα περι τον Πειραια καθηρεθη· αιρεθεντες δε εφ' ωτε συγγραψαι νομους, καθ' ουστινας πολιτευσοιντο, τουτους μεν αει εμελλον συγγραφειν τε και αποδεικνυναι, βουλην δε και τας αλλας αρχας κατεστησαν ως εδοκει αυτοις. Επειτα πρωτον μεν ους παντες ηδεσαν εν τη δημοκρατια απο συκοφαντιας ζωντας και τοις καλοις καγαθοις βαρεις οντας, συλλαμβανοντες υπηγον θανατου· και η τε βουλη ηδεως αυτων κατεψηφιζετο οι τε αλλοι οσοι συνηδεσαν εαυτοις μη οντες τοιουτοι ουδεν ηχθοντο. Επει δε ηρξαντο βουλευεσθαι οπως αν εξειη αυτοις τη πολει χρησθαι οπως βουλοιντο, εκ τουτου πρωτον μεν πεμψαντες εις Λακεδαιμονα Αισχινην τε και Αριστοτελην επεισαν Λυσανδρον φρουρους σφισι συμπραξαι ελθειν, εως δη τους πονηρους εκποδων ποιησαμενοι καταστησαιντο την πολιτειαν θρεψειν δε αυτοι υπισχνουντο.


La traduzione è visibile ai soli utenti Registrati