Κλεαρχος μεντοι επορευετο τας μεν σπονδας ποιησαμενος, το δε στρατευμα εχων εν ταξει, και αυτος ωπισθοφυλακει. Και ενετυγχανον ταφροις και αυλωσιν υδατος πληρεσιν, ως μη δυνασθαι διαβαινειν ανευ γεφυρων· αλλ' εποιουντο διαβασεις εκ των φοινικων οι ησαν εκπεπτωκοτες, τους δε και εξεκοπτον. Και ενταυθα ην Κλεαρχον καταμαθειν ως επεστατει, εν μεν τη αριστερα χειρι το δορυ εχων, εν δε τη δεξια βακτηριαν· και ει τις αυτω δοκοιη των προς τουτο τεταγμενων βλακευειν, εκλεγομενος τον επιτηδειον επαισεν αν, και αμα αυτος προσελαμβανεν εις τον πηλον εμβαινων· ωστε πασιν αισχυνην ειναι μη ου συσπουδαζειν. Και εταχθησαν προς αυτο οι εις τριακοντα ετη γεγονοτες· επει δε Κλεαρχον εωρων σπουδαζοντα, προσελαμβανον και οι πρεσβυτεροι.


La traduzione è visibile ai soli utenti Registrati