Μετα δε ταυτα ου πολλαις ημεραις υστερον ηλθεν εξ Αθηνων Θυμοχαρης εχων ναυς ολιγας· και ευθυς εναυμαχησαν αυθις Λακεδαιμονιοι και Αθηναιοι, ενικησαν δε Λακεδαιμονιοι ηγουμενου Αγησανδριδου. Μετ' ολιγον δε τουτων Δωριευς ο Διαγορου εκ Ροδου εις Ελλησποντον εισεπλει αρχομενου χειμωνος τετταρσι και δεκα ναυσιν αμα ημερα. Κατιδων δε ο των Αθηναιων ημεροσκοπος εσημηνε τοις στρατηγοις. Οι δε ανηγαγοντο επ' αυτον εικοσι ναυσιν, ας ο Δωριευς φυγων προς την γην ανεβιβαζε τας αυτου τριηρεις, ως ηνοιγε, περι το Ροιτειον. Εγγυς δε γενομενων των Αθηναιων εμαχοντο απο τε των νεων και της γης μεχρι οι Αθηναιοι απεπλευσαν εις Μαδυτον προς το αλλο στρατοπεδον ουδεν πραξαντες.


La traduzione è visibile ai soli utenti Registrati