Μετα δε ταυτα εν τη βουλη διηγουντο οι στρατηγοι περι τε της ναυμαχιας και του μεγεθους του χειμωνος. Τιμοκρατους δ' ειποντος οτι και τους αλλους χρη δεθεντας εις τον δημον παραδοθηναι, η βουλη εδησε. Μετα δε ταυτα εκκλησια εγενετο, εν η των στρατηγων κατηγορουν αλλοι τε και Θηραμενης μαλιστα, δικαιους ειναι λογον υποσχειν διοτι ουκ ανειλοντο τους ναυαγους. Οτι μεν γαρ ουδενος αλλου καθηπτοντο, επιστολην επεδεικνυε μαρτυριον ην επεμψαν οι στρατηγοι εις την βουλην και εις τον δημον, αλλο ουδεν αιτιωμενοι η τον χειμωνα. Μετα ταυτα δε οι στρατηγοι βραχεως εκαστος απελογησατο (ου γαρ προυτεθη σφισι λογος κατα τον νομον), και τα πεπραγμενα διηγουντο, οτι αυτοι μεν επι τους πολεμιους πλεοιεν, την δε αναιρεσιν των ναυαγων προσταξαιεν των τριηραρχων ανδρασιν ικανοις και εστρατηγηκοσιν ηδη, Θηραμενει και Θρασυβουλω και αλλοις τοιουτοις· και ειπερ γε τινας δεοι, περι της αναιρεσεως ουδενα αλλον εχειν αυτους αιτιασασθαι η τουτους οις προσεταχθη.


La traduzione è visibile ai soli utenti Registrati