Λυσανδρος δ', επει ην ημερα πεμπτη επιπλεουσι τοις Αθηναιοις, ειπε τοις παρ' αυτου επομενοις, επαν κατιδωσιν αυτους εκβεβηκοτας και εσκεδασμενους κατα την Χερρονησον, οπερ εποιουν πολυ μαλλον καθ' εκαστην ημεραν, τα τε σιτια πορρωθεν ωνουμενοι και καταφρονουντες δη του Λυσανδρου, οτι ουκ αντανηγεν, αποπλεοντας τουμπαλιν παρ' αυτον αραι ασπιδα κατα μεσον τον πλουν. Οι δε ταυτα εποιησαν ως εκελευσε. Λυσανδρος δ' ευθυς εσημηνε την ταχιστην πλειν συμπαρηει δε και Θωραξ το πεζον εχων. Κονων δε ιδων τον επι πλουν, εσημηνεν εις τας ναυς βοηθειν κατα κρατος. Διεσκεδασμενων δε των ανθρωπων, αι μεν των νεων δικροτοι ησαν, αι δε μονοκροτοι, αι δε παντελως κεναι· η δε Κονωνος και αλλαι περι αυτον επτα πληρεις ανηχθησαν αθροαι και η Παραλος, τας δ' αλλας πασας Λυσανδρος ελαβε προς τη γη. Τους δε πλειστους ανδρας εν τη γη συνελεξεν οι δε και εφυγον εις τα τειχυδρια.


La traduzione è visibile ai soli utenti Registrati