Ωστ' επει παρηγγειλεν ο Τιριβαζος παρειναι τους βουλομενους υπακουσαι ην βασιλευς ειρηνην καταπεμποι, ταχεως παντες παρεγενοντο. Επει δε συνηλθον, επιδειξας ο Τιριβαζος τα βασιλεως σημεια ανεγιγνωσκε τα γεγραμμενα. Ειχε δε ωδε. Αρταξερξης βασιλευς νομιζει δικαιον τας μεν εν τη Ασια πολεις εαυτου ειναι και των νησων Κλαζομενας και Κυπρον, τας δε αλλας Ελληνιδας πολεις και μικρος και μεγαλας αυτονομους αφειναι πλην Λημνου και Ιμβρου και Σκυρου· ταυτας δε ωσπερ το αρχαιον ειναι Αθηναιων. Οποτεροι δε ταυτην την ειρηνην μη δεχονται, τουτοις εγω πολεμησω μετα των ταυτα βουλομενων και πεζη και κατα θαλατταν και ναυσι και χρημασιν. Ακουοντες ουν ταυτα οι απο των πολεων πρεσβεις απηγγελλον επι τας εαυτων εκαστοι πολεις. Και οι μεν αλλοι απαντες ωμνυσαν εμπεδωσειν ταυτα, οι δε Θηβαιοι ηξιουν υπερ παντων Βοιωτων ομνυναι. Ο δε Αγησιλαος ουκ εφη δεξασθαι τους ορκους, εαν μη ομνυωσιν, ωσπερ τα βασιλεως γραμματα ελεγεν, αυτονομους ειναι και μικραν και μεγαλην πολιν.


La traduzione è visibile ai soli utenti Registrati