Ην δε το μεν των Θηβαιων ιππικον μεμελετηκος δια τε τον προς Ορχομενιους πολεμον και δια τον προς Θεσπιας, τοις δε Λακεδαιμονιοις κατ' εκεινον τον χρονον πονηροτατον ην το ιππικον. Ετρεφον μεν γαρ τους ιππους οι πλουσιωτατοι· επει δε φρουρα φανθειη, τοτε ηκεν ο συντεταγμενος· λαβων δ' αν τον ιππον και δπλα οποια δοθειη αυτω εκ του παραχρημα αν εστρατευετο· των δ' αυ στρατιωτων οι τοις σωμασιν αδυνατωτατοι και ηκιστα φιλοτιμοι επι των ιππων ησαν. Τοιουτον μεν ουν το ιππικον εκατερων ην. Της δε φαλαγγος τους μεν Λακεδαιμονιους εφασαν εις τρεις την ενωμοτιαν αγειν τουτο δε συμβαινειν αυτοις ου πλεον η εις δωδεκα το βαθος. Οι δε Θηβαιοι ουκ ελαττον η επι πεντηκοντα ασπιδων συνεστραμμενοι ησαν, λογιζομενοι ως ει νικησειαν το περι τον βασιλεα, το αλλο παν ευχειρωτον εσοιτο.


La traduzione è visibile ai soli utenti Registrati