Και ηδη τε ην μεσον ημερας και ουπω καταφανεις ησαν οι πολεμιοι· ηνικα δε δειλη εγιγνετο, εφανη κονιορτος ωσπερ νεφελη λευκη, χρονω δε συχνω υστερον ωσπερ μελανια τις εν τω πεδιω επι πολυ. Οτε δε εγγυτερον εγιγνοντο, ταχα δη και χαλκος τις ηστραπτε και λογχαι και αι ταξεις καταφανεις εγιγνοντο. Και ησαν ιππεις μεν λευκοθωρακες επι του ευωνυμου των πολεμιων· Τισσαφερνης ελεγετο τουτων αρχειν· εχομενοι δε γερροφοροι, εχομενοι δε οπλιται συν ποδηρεσι ξυλιναις ασπισιν. Αιγυπτιοι δ' ουτοι ελεγοντο ειναι· αλλοι δ' ιππεις, αλλοι τοξοται. Παντες δ' ουτοι κατα εθνη εν πλαισιω πληρει ανθρωπων εκαστον το εθνος επορευετο.


La traduzione è visibile ai soli utenti Registrati