Κυρος μεν ουν ουτως ετελευτησεν, ανηρ ων Περσων των μετα Κυρον τον αρχαιον γενομενων βασιλικωτατος τε και αρχειν αξιωτατος, ως παρα παντων ομολογειται των Κορου δοκουντων εν πειρα γενεσθαι. Πρωτον μεν γαρ ετι παις ων, οτ επαιδευετο και συν τω αδελφω και συν τοις αλλοις παισι, παντων παντα κρατιστος ενομιζετο. Παντες γαρ οι των αριστων Περσων παιδες επι ταις βασιλεως θυραις παιδευονται· ενθα πολλην μεν σωφροσυνην καταμαθοι αν τις, αισχρον δ' ουδεν ουτ' ακουσαι ουτ' ιδειν εστι. Θεωνται δ' οι παιδες και τιμωμενους υπο βασιλεως και ακουουσι, και αλλους ατιμαζομενους· ωστε ευθυς παιδες οντες μανθανουσιν αρχειν τε και αρχεσθαι. Ενθα Κυρος αιδημονεστατος μεν πρωτον των ηλικιωτων εδοκει ειναι, τοις τε πρεσβυτεροις και των εαυτου υποδεεστερων μαλλον πειθεσθαι, επειτα δε φιλιπποτατος και τοις ιπποις αριστα χρησθαι· εκρινον δ' αυτον και των εις τον πολεμον εργων, τοξικης τε και ακοντισεως, φιλομαθεστατον ειναι και μελετηροτατον.


La traduzione è visibile ai soli utenti Registrati