Τοσουτων δ' επιθυμων σφοδρα ενδηλον αυ και τουτο ειχεν, οτι τουτων ουδεν αν θελοι κτασθαι μετα αδικιας, αλλα συν τω δικαιω και καλω ωετο δειν τουτων τυγχανειν, ανευ δε τουτων μη. Αρχειν δε καλων μεν και αγαθων δυνατος ην ου μεντοι ουτ αιδω τοις στρατιωταις εαυτου ουτε φοβον ικανος εμποιησαι, αλλα και ησχυνετο μαλλον τους στρατιωτας η οι αρχομενοι εκεινον και φοβουμενος μαλλον ην φανερος το απεχθανεσθαι τοις στρατιωταις η οι στρατιωται το απιστειν εκεινω. Ωιετο δε αρκειν προς το αρχικον ειναι και δοκειν τον μεν καλως ποιουντα επαινειν, τον δε αδικουντα μη επαινειν. Τοιγαρουν αυτω οι μεν καλοι τε και αγαθοι των συνοντων ευνοι ησαν, οι δε αδικοι επεβουλευον ως ευμεταχειριστω οντι. Οτε δε απεθνησκεν ην ετων ως τριακοντα.


La traduzione è visibile ai soli utenti Registrati