Χειρισοφος μεν ουν και οσοι εδυνηθησαν του στρατευματος ενταυθα εστρατοπεδευσαντο, των δ' αλλων στρατιωτων οι μη δυναμενοι διατελεσαι την οδον ενυκτερευσαν ασιτοι και ανευ πυρος· και ενταυθα τινες απωλοντο των στρατιωτων. Εφειποντο δε των πολεμιων συνειλεγμενοι τινες και τα μη δυναμενα των υποζυγιων ηρπαζον και αλληλοις εμαχοντο περι αυτων. Ελειποντο δε των στρατιωτων οι τε διεφθαρμενοι υπο της χιονος τους οφθαλμους οι τε υπο του ψυχους τους δακτυλους των ποδων αποσεσηποτες. Ην δε τοις μεν οφθαλμοις επικουρημα της χιονος ει τις μελαν τι εχων προ των οφθαλμων επορευετο, των δε ποδων ει τις κινοιτο και μηδεποτε ησυχιαν εχοι και εις την νυκτα υπολυοιτο.


La traduzione è visibile ai soli utenti Registrati