Ενθα δη Κυρος δεισας μη οπισθεν γενομενος χατσκοψη το Ελληνικον ελαυνει αντιος· και εμβαλων συν τοις εξακοσιοις νικα τους προ βασιλεως τεταγμενους και εις φυγην ετρεψε τους εξακισχιλιους, και αποκτειναι λεγεται αυτος τη εαυτου χειρι Αρταγερσην τον αρχοντα αυτων. Ως δ' η τροπη εγενετο, διασπειρονται και οι Κυρου εξακοσιοι εις το διωκειν ορμησαντες, πλην πανυ ολιγοι αμφ' αυτον κατελειφθησαν, σχεδον οι ομοτραπεζοι καλουμενοι. Συν τουτοις δε ων καθορα βασιλεα και το αμφ' εκεινον στιφος· και ευθυς ουκ ηνεσχετο, αλλ' ειπων· «Τον ανδρα ορω» ιετο επ' αυτον και παιει κατα το στερνον και τιτρωσκει δια του θωρακος, ως φησι Κτησιας ο ιατρος, ος και ιασασθαι αυτος το τραυμα φησι.


La traduzione è visibile ai soli utenti Registrati