Διαβας δε τον Ελλησποντον επορευετο δια των αυτων εθνων ωνπερ ο Περσης τω παμπληθει στολω: και ην ενιαυσιαν οδον ο βαρβαρος εποιησατο, ταυτην μειον η εν μηνι κατηνυσεν ο Αγησιλαος. Ου γαρ ως υστερησειε της πατριδος προεθυμειτο. Επει δε εξαμειψας Μακεδονιαν εις Θητταλιαν αφικετο, Λαρισαιοι μεν και Κραννωνιοι και Σκοτουσαιοι και Φαρσαλιοι συμμαχοι οντες Βοιωτοις, και παντες δε Θετταλοι πλην οσοι αυτων φυγαδες τοτε οντες ετυγχανον, εκακουργουν αυτον εφεπομενοι. Ο δε τεως μεν ηγεν εν πλαισιω το στρατευμα, τους ημισεις μεν εμπροσθεν, τους ημισεις δε επ' ουρα εχων των ιππεων: επει δ' εκωλυον της πορειας αυτον οι Θετταλοι επιτιθεμενοι τοις οπισθεν, παραπεμπει επ' ουραν και το απο του προηγουμενον στρατευματος ιππικον πλην των περι εαυτον.


La traduzione è visibile ai soli utenti Registrati