Οι δε Αθηναιοι τα γεγενημενα και την πολιορκιαν επει ηκουσαν, εψηφισαντο βοηθειν ναυσιν εκατον και δεκα, εισβιβαζοντες, τους εν τη ηλικια οντας απαντας και δουλους και ελευθερους και πληρωσαντες τας δεκα και εκατον εν τριακοντα ημεραις απηραν. Εισεβησαν δε και των ιππεων πολλοι. Μετα ταυτα ανηχθησαν εις Σαμον, κακειθεν Σαμιας ναυς ελαβον δεκα: ηθροισαν δε και αλλας πλειους η τριακοντα παρα των αλλων συμμαχων, εισβαινειν αναγκασαντες απαντας, ομοιως δε και ει τινες αυτοις ετυχον εξω ουσαι. Εγενοντο δε αι πασαι πλειους η πεντηκοντα και εκατον. Ο δε Καλλικρατιδας ακουων την βοηθειαν ηδη εν Σαμω ουσαν, αυτου μεν κατελιπε πεντηκοντα ναυς και αρχοντα Ετεονικον, ταις δε εικοσι και εκατον αναχθεις εδειπνοποιειτο της Λεσβου επι τη Μαλεα ακρα: τη δ' αυτη ημερα ετυχον και οι Αθηναιοι δειπνοποιουμενοι εν ταις Αργινουσαις: αυται δ' εισιν αντιον της Μυτιληνης.


La traduzione è visibile ai soli utenti Registrati