Της δε νυκτος ιδων τα πυρα, και τινων αυτω εξαγγειλαντων οτι οι Αθηναιοι ειεν, ανηγετο περι μεσας νυκτας, ως εξαπιναιως προσπεσοι: υδωρ δ' επιγενομενον πολυ και βρονται διεκωλυσαν την αναγωγην. Επει δε ανεσχεν, αμα τη ημερα επλει επι τας Αργινουσας, οι δ' Αθηναιοι αντανηγοντο εις το πελαγος τω ευωνυμω, παρατεταγμενοι ωδε: Αριστοκρατης μεν το ευωνυμον εχων ηγειτο πεντεκαιδεκα ναυσι, μετα δε ταυτα Διομεδων ετεραις πεντεκαιδεκα επετετακτο δε Αριστοκρατει μεν Περικλης, Διομεδοντι δε Ερασινιδης: παρα δε Διομεδοντα οι Σαμιοι δεκα ναυσιν επι μιας τεταγμενοι: εστρατηγει δε αυτων Σαμιος Ιππευς εχομεναι δε αι των ταξιαρχων δεκα, και αυται επι μιας: επι δε ταυταις αι των ναυαρχων τρεις, και ει τινες αλλαι ησαν συμμαχιδες. Το δε δεξιον κερας Πρωτομαχος ειχε πεντεκαιδεκα ναυσι: παρα δ' αυτον Θρασυλλος ετεραις πεντεκαιδεκα: επετετακτο δε Πρωτομαχω μεν Λυσιας, εχων τας ισας ναυς, Θρασυλλω δ' Αριστογενης. Ουτω δ' εταχθησαν, ινα μη διεκπλουν διδοιεν: χειρον γαρ επλεον.


La traduzione è visibile ai soli utenti Registrati