Αι δε των Λακεδαιμονιων αντιτεταγμεναι ησαν απασαι επι μιας ως προς διεκπλουν και περιπλουν παρεσκευασμεναι, δια το βελτιον πλειν. Ειχε δε το δεξιον κερας Καλλικρατιδας: Ερμων δε Μεγαρευς ο τω Καλλικρατιδα κυβερνων ειπε προς αυτον οτι ειη καλως εχον αποπλευσαι: αι γαρ τριηρεις των Αθηναιων πολλω πλειους ησαν, Καλλικρατιδας δε ειπεν οτι η Σπαρτη ουδεν μη κακιον οικειται αυτου αποθανοντος, φευγειν δε αισχρον εφη ειναι. Μετα δε ταυτα εναυμαχησαν χρονον πολυν, πρωτον μεν αθροαι, επειτα δε διεσκεδασμεναι. Επει δε Καλλικρατιδας τε εμβαλουσης της νεως αποπεσων εις την θαλατταν ηφανισθη Πρωτομαχος τε και οι μετ' αυτου τω δεξιω το ευωνυμον ενικησαν, εντευθεν φυγη των Πελοποννησιων εγενετο εις Χιον πλειστων, τινων δε και εις Φωκαιαν: οι δε Αθηναιοι παλιν εις τας Αργινουσας κατεπλευσαν. Απωλοντο δε των μεν Αθηναιων νηες πεντε και εικοσιν αυτοις ανδρασιν εκτος ολιγων των προς την γην προσενεχθεντων, των δε Πελοποννησιων Λακωνικαι μεν εννεα, των πασων ουσων δεκα, των δ' αλλων συμμαχων πλειους η εξηκοντα.


La traduzione è visibile ai soli utenti Registrati