Εδοξε δε και τοις των Αθηναιων στρατηγοις επτα μεν και τετταρακοντα ναυσι Θηραμενην τε και Θρασυβουλον τριηραρχους οντας και των ταξιαρχων τινας πλειν επι τας καταδεδυκυιας ναυς και τους επ' αυτων ανθρωπους, ταις δε αλλαις επι τας μετ' Ετεονικου τη Μυτιληνη εφορμουσας. Ταυτα δε βουλομενους ποιειν ανεμος και χειμων διεκωλυσεν αυτους μεγας γενομενος: τροπαιον δε στησαντες αυτου ηυλιζοντο. Τω δ' Ετεονικω ο υπηρετικος κελης παντα εξηγγειλε τα περι την ναυμαχιαν. Ο δε αυτον παλιν εξεπεμψεν ειπων τοις ενουσι σιωπη εκπλειν και μηδενι διαλεγεσθαι, παραχρημα δε αυθις πλειν εις το εαυτων στρατοπεδον εστεφανωμενους και βοωντας οτι Καλλικρατιδας νενικηκε ναυμαχων και οτι αι των Αθηναιων νηες απολωλασιν απασαι.


La traduzione è visibile ai soli utenti Registrati