Εκειθεν δ' ευθυς επισιτισαμενοι επλευσαν εις Αιγος ποταμους αντιον της Λαμψακου: διειχε δε ο Ελλησποντος ταυτη σταδιους ως πεντεκαιδεκα. Ενταυθα δη εδειπνοποιουντο. Λυσανδρος δε τη επιουση νυκτι, επει ορθρος ην, εσημανεν εις τας ναυς αριστοποιησαμενους εισβαινειν, παντα δε παρασκευασαμενος ως εις ναυμαχιαν και τα παραβληματα παραβαλλων, προειπεν ως μηδεις κινησοιτο εκ της ταξεως μηδε αναξοιτο. Οι δε Αθηναιοι αμα τω ηλιω ανισχοντι επι τω λιμενι παρεταξαντο εν μετωπω ως εις ναυμαχιαν. Επει δε ουκ αντανηγαγε Λυσανδρος, και της ημερας οψε ην, απεπλευσαν παλιν εις τους Αιγος ποταμους. Λυσανδρος δε τας ταχιστας των νεων εκελευσεν επεσθαι τοις Αθηναιοις, επειδαν δε εκβωσι, κατιδοντας ο τι ποιουσιν αποπλειν και αυτω εξαγγειλαι. Και ου προτερον εξεβιβασεν εκ των νεων πριν αυται ηκον. Ταυτα δ' εποιει τετταρας ημερας, και οι Αθηναιοι επανηγοντο.


La traduzione è visibile ai soli utenti Registrati