Κυρος ο νεωτερος, Δαρειου και Παρυσατιδος υιος, ανηρ βασιλικωτατος τε και αρχειν αξιοτατος ην. Πρωτον μεν γαρ ετι παις ων, οτι επαιδευετο και συν τω αδελφω και συν τοις αλλοις παισι, παντων παντα κρατιστος ενομιζετο. Παντες γαρ οι των αριστων Περσων παιδες επι ταις βασιλεως θυραις παιδευονται· ενθα πολλην μεν σωφροσυνην καταμανθανουσιν, αισχρον δ' ουδεν ουτ' ακουουσιν ουθ' ορωσιν. Ενθα Κυρος αιδημονεστατος μεν πρωτον των ηλικιωτων εδοκει ειναι, επειτα δε φιλιπποτατος· εφαινετο δε και των εις τον πολεμον εργων, τοξικης τε και ακοντισεως, φιλομαθεστατος ων και μελετηροτατος. Επει δε τη ηλικια επρεπε, και φιλοθηροτατος ην και προς τα θηρια φιλοκινδυνοτατος.


La traduzione è visibile ai soli utenti Registrati