Αμα δε τη ημερα συνελθοντες οι στρατηγοι εθαυμαζον οτι Κυρος ουτε αλλον πεμπει σημανουντα ο τι χρη ποιειν ουτε αυτος φαινοιτο. Εδοξεν ουν αυτοις συσκευασαμενοις α ειχον και εξοπλισαμενοις προιεναι εις το προσθεν, εως Κυρω συμμειξειαν. Ηδη δε εν ορμη οντων αμα ηλιω ανεχοντι ηλθε Προκλης ο Τευθρανιας αρχων, γεγονως απο Δαμαρατου του Λακωνος, και Γλους ο Ταμω. Ουτοι ελεγον οτι Κυρος μεν τεθνηκεν, Αριαιος δε πεφευγως εν τω σταθμω ειη μετα των αλλων βαρβαρων οθεν τη προτεραια ωρμωντο, και λεγει οτι ταυτην μεν την ημεραν περιμενοιεν αν αυτους, ει μελλοιεν ηκειν, τη δε αλλη απιεναι φαιη επι Ιωνιας, οθενπερ ηλθε. Ταυτα ακουσαντες οι στρατηγοι και οι αλλοι Ελληνες πυνθανομενοι βαρεως εφερον.


La traduzione è visibile ai soli utenti Registrati