Καστωρ δε και Πολυδευκης οσα επεδειξαντο εν τη Ελλαδι των παρα Χειρωνος δια το αξιωμα το εκ τουτων αθανατοι εισι. Μαχαων δε και Ποδαλειριος παιδευθεντες τα αυτα εγενοντο και τεχνας και λογους και πολεμους αγαθοι. Αντιλοχος δε του πατρος υπεραποθανων τοσαυτης ετυχεν ευκλειας, ωστε μονος φιλοπατωρ παρα τοις Ελλησιν αναγορευθηναι. Αινειας δε σωσας, μεν τους πατρωους και μητρωους θεους, σωσας δε και αυτον τον πατερα, δοξαν ευσεβειας εξηνεγκατο, ωστε και οι πολεμιοι μονω εκεινω ων εκρατησαν εν Τροια εδοσαν μη συληθηναι. Αχιλλευς δ' εν ταυτη τη παιδεια τραφεις ουτω καλα και μεγαλα μνημεια παρεδωκεν, ωστε ουτε λεγων ουτ' ακουων περι εκεινου ουδεις απαγορευει. Ουτοι δε τοιουτοι εγενοντο εκ της επιμελειας της παρα Χειρωνος, ης οι μεν αγαθοι ετι, και νυν ερωσιν, οι δε κακοι φθονουσιν ωστ' εν μεν τη Ελλαδι ει τω συμφοραι εγιγνοντο η πολει η βασιλει, ελυοντο δι αυτους· ει δε προς τους βαρβαρους παντας παση τη Ελλαδι νεικος η πολεμος ην, δια τουτους οι Ελληνες εκρατουν, ωστε ανικητον την Ελλαδα παρεχεσθαι.


La traduzione è visibile ai soli utenti Registrati