Αλλα γε μην και περι του δικαιου ουκ απεκρυπτετο ην ειχε γνωμην, αλλα και εργω απεφαινετο ιδια τε πασι νομιμως τε και ωφελιμως χρωμενος, και κοινη αρχουσι τε α οι νομοι προσταττοιεν πειθομενος, και κατα πολιν και εν ταις στρατειαις ουτως, ωστε διαδηλος ειναι παρα τους αλλους ευτακτων. Και οτε εν ταις εκκλησιαις επιστατης ην, ουκ επετρεψε τω δημω παρα τους νομους ψηφισασθαι, αλλα συν τοις νομοις εναντιον εψηφισατο τοιαυτη ορμη του δημου, ην ουκ αν οιμαι αλλον ουδενα ανθρωπον υπομειναι. Και οτε οι τριακοντα προσεταττον αυτω παρα τους νομους τι, ουκ επειθετο· τοις τε γαρ νεοις απαγορευοντων αυτων μη διαλεγεσθαι και προσταξαντων εκεινω τε και αλλοις τισι των πολιτων αγειν τινα επι θανατω, μονος ουκ επειθετο, δια το παρα τους νομους αυτω προσταττεσθαι.


La traduzione è visibile ai soli utenti Registrati