Ο δε Κονων, επει επολιορκειτο και κατα γην και κατα θαλατταν, και σιτου ουδαμοθεν ην ευπορησαι, οι δε ανθρωποι πολλοι εν τηπολει ησαν και οι Αθηναιοι ουκ εβοηθουν δια το μη πυνθανεσθαι ταυτα, καθελκυσας των νεων τας αριστα πλεουσας δυο επληρωσε προ ημερας, εξ απασων των νεων τους αριστους ερετας εκλεξας και τους επιβατας εις κοιλην ναυν μεταβιβασας και τα παραρρυματα παραβολων. Την μεν ουν ημεραν ουτως ανειχον, εις δε την εσπεραν, επει σκοτος ειη, εξεβιβαζεν, ως μη καταδηλους ειναι τοις πολεμιοις ταυτα ποιουντας. Πεμπτη δε ημερα εισκομισαντες σιτα μετρια, επειδη ηδη μεσον ημερας ην και οι εφορμουντες ολιγωρως ειχον και ενιοι ανεπαυοντο, εξεπλευσαν εξω του λιμενος, και η μεν επι Ελλησποντου ωρμησεν, η δε εις το πελαγος.


La traduzione è visibile ai soli utenti Registrati